A gasolina é un combustible. E este home é incombustíbel!

FOMOS AOS actos de maxia e do Camiño Primitivo pola metade do casco histórico adiante, porque a xornada estaba dedicada ao tema.Durante a paseata, o home expón o primeiro reflexionismo do día.-Unha dúbida que levo eu tempo con ela dentro e que ninguén soubo clarexar é se os antigos tamén tiñan festas coma nós, que pasamos o ano vestíndonos de antigos. E se as tiñan, de canta antigüidade se vestían os antigos?-Algo diso sei eu -contéstalle a Vanesa-. No bacharelato dixéronnos que os romanos púñanse os traxes de lupercos, que eran como os lobos do Rómulo e mais do Remo. É dicir, xente de antes que eles.-Non deberían facer sempre festas do pasado, senón tamén do futuro.-Se che parece -intervén a Filo-, tamén podían facelas do pertérito perfeto. Ti con que teñas troula, dáche igoal o tempo do verbo.-Tes ración. O que máis me gusta é o imperativo: A festexar!!!Cando chegamos á Porta Miñá, di o Pelúdez:-E agora que facemos? A Volta Primitiva?-Que cousas tes -respóstalle a Filomena- Agora cómpre ir ao Concello, onde dona Lara vai recibir aos seus colegas do Camiño e xuntos tomaremos un piscolabis.-Iso dos piscolabis érache antes. Agora coa desculpa da crise, dan as boas tardes coma moito.-E logo ti prefires que se bote a estragar todo o presuposto en cóteles e juateques, ou que se fagan saneamentos, canalóns, xardíns e camiños?-Supoño que se me tomo eu un Ribeira Sacra pagado polo Concello, non será motivo suficiente pra paralizar as obras da pista entre San Xillao de Vilachá de Mera e San Miguel de Bacurín? Ou si? Ademais, o que queira camiños xa ten o Primitivo!-Ti si que es un trogordita!-E ti gordita só.Non houbo copa, polo que viñemos contra o parque co fin de subir o Jarrison nun deses bisontes mecánicos que tanto lle gustan dende ben cativo.Ao pasar diante das tómbolas, escoitamos ao de sempre: -¡Todos los regalos tocan! ¡Todos los...-Xa imaxino que todos os regalos tocan, porque do contrario non serían agasallos! -Razoa o Peludeciño.-Este home -di o pai-, é o oposto da gasolina.-Non che entendo.-Si, muller. A gasolina é un combustible. E este home é incombustíbel!-Mira ti. Por unha vez estou de acordo contigo.-E cando casaches, non?-Cala! Que me arreconfundes!Chegamos ao estaribel dos bisontes e xorde certa discusión se o neno debe subir só, ou cun adulto.-Eu non podo -di a nai-, que con esta minisaia ensino a peseta nas primeiras de cambio.-Eu tampouco -di o pai-. Teño o lombo esmagado de cando a carreira de burros.-A min non me miredes -descártase a Filo-. Teño este traxe do Santy tan rozado, que se boto un peido, sáenme disparatadas as coseduras.A Reborita non ten nin que falar, e a min non se atreven a suxerilo. Polo tanto a única solución está clara pra todos. Terá que ser o avó quen terme do pícaro mentres dure a volta. Por outra parte, Pelúdez tampouco pon maiores reparos en facer de vaqueiro.-Ven canda min, rapaz! Ides ver o que é un xinete exprimentado!O neto sobe primeiro, e logo de ter que axudalo o mozo da barraca puxando do cú, monta o Pelúdez.-Moito medraron estes bisontes dende que desapareceron da Terra Chá! -xustifícase como pode o avó.Logo saúda á familia e fai o sinal de Ok coa dereita cando os bichos comezan a dar voltas sen que Pelúdez poda facerse xa co control do bisonte, nin do neno, nin del.-Onde vas?Jarrison sae voando coma un merlo e o avó, que vai tras el, cae tamén na zona protexida, sen que por fortuna ningún dos dous padeza nin maiores nin menores desperfectos.-Parabéns, queridiño -dille a Filo cando regresan-. Estiveches montado cero coma tres micronésimas de segundo; a tres euros a micronésima, saínos a broma polo que che costa un bisonte enteiro na feira de Amasachuches.O día remata sen máis contratempos e cunha felicidade completa polo gran concerto que dá Carlos Núñez, entre outras razóns, porque desta volta tivo a grandísima sorte de que o Pelúdez non quixo subir ao escenario, xa que dixo estar algo vergoñendo do ocurrido polo serán. "Eu que teño montado en toda sorte de bestas...!".