A editorial Galaxia, a área de cultura da Deputación de Lugo, o estudoso Armando Requeixo e o testaferro Alfonso Blanco, os catro pés que lle deron forma á ‘Poesía galega completa’ de Xosé María Díaz Castro, elexiron con moito tino o lugar para a posta de largo deste novo volume sobre o poeta dos Vilares. E ese non podía ser outro que o centro educativo que leva o nome do homenaxeado, o IES Poeta Díaz Castro de Guitiriz, cuxo traballo de recuperación e posta en valor da súa figura nos últimos tempos contribuíu de forma decisiva á súa elección como homenaxeado do Día das Letras Galegas 2014.
Máis de 200 alumnos do centro asistiron,
