José Ramón, primoxénito do artista galego Leopoldo Nóvoa, recentemente falecido en París, non ten bo recordo de seu proxenitor, co que non mantiña relación. ''Foi un grande artista e pode que boa persoa, pero un mal pai'', di para Faro desde Venezuela este destacado cineasta, nado en Montevideo en 1954.
O director de Produción da TVG vai ser distinguido polo Vaticano
Lido en El Correo Gallego: ''O Vaticano imporalle a Javier Valderrama Currás, director de Produción da Televisión de Galicia, a distinción máis alta que entrega a Igrexa católica a cristiáns laicos: cabaleiro da Orde Pontificia de San Gregorio Magno. O motivo: a cobertura e difusión da visita do Papa a Galicia''.
O conde de Fontao, asesor do Rei, goza de gran consideración en Foz
Faro de Vigo dedicaba onte unha reportaxe a José Manuel Romero, nado en Madrid en 1940 pero que ostenta o título de conde de Fontao desde 1993. Na parroquia de Fazouro (Foz) todos coñecen este home, asesor do Rei no caso dos negocios de Urdangarín. E coinciden ao definilo como ''bo, próximo e educado''.
