‘Esmeralda’, esa herba pequerrechina á que lle cantaba Xosé María Díaz Castro, fíxose grande no Ceip Lagostelle de Guitiriz grazas á colección de carteis deseñados polo alumnado e polo profesorado do centro educativo para o concurso-exposición Letras Galegas 2014 convocado pola Consellería de Cultura e Educación.
O colorido froito deste traballo que resume a vida e a obra de Díaz Castro está xa presente en todos os centros educativos de infantil e de primaria de Galicia.