Faustino Santalices fíxolle chegar ao compositor vasco Guridi as músicas da ‘Danza de Espadas de Marín’ que este incluíu na zarzuela ‘La meiga’ sen atribuír a procedencia. Moitas décadas despois do pasamento deste pioneiro folclorista galego, Sondeseu devólvelle a Santalices a súa intervención na recolleita da peza tradicional das festas do San Miguel de Marín no disco ‘Danzas brancas’, que a superbanda viguesa presentou onte no Auditorio de Lugo.
Sondeseu, unha orquestra folk con medio cento de músicos, non semella, polas súas dimesións, un proxecto para tempos de crise, nos que os grupos se fragmentan e buscan formatos máis pequenos para seguir sendo competitivos e poder ofrecer espectáculos que salas e promotores poidan pagar.
A Banda Filharmónica, a pé de escenario
Son sesenta, pero parecen moitos máis. A Banda Filharmónica de Lugo, composta por alumnos e mestres do conservatorio, ofreceron onte un concerto no Círculo.
