Do centro a un lado

O PP ASEGURA ver con preocupación que o PSOE se separe do centro logo da conferencia política da fin de semana pasada, pero o que transloce na súa mensaxe é a satisfacción polo xiro á esquerda do seu principal rival, xa que así quédalle liberado máis espazo. Haberá que concluír entón que o PSOE busca nalgúns campos posicións máis achegadas ás que defende Izquierda Unida. Non é o caso da monarquía, porque aínda que se producira una certa reprobación en forma de apupo e se reivindicara a tradición republicana do partido, os socialistas entenderon que o país non está preparado como para emprender a defensa dun sistema alternativo. Porén, noutros aspectos si radicalizou a mensaxe, como a retirada das clases de relixión do horario escolar e a eliminación do recadro que permite aportar directamente á Igrexa na declaración do IRPF. Por avanzar no Estado laico. Amén.