Javier Acebrás preside a asociación gastronómica da Pontenova e dirixe a axencia Viaxes Lucus
Cal vai ser a próxima cita da asociación gastronómica da Pontenova?
A comida anual, con cocido e baile, coincidindo co domingo de feira, para o vindeiro 26 de xaneiro. Sairán autobuses para vir xente, dende Navia, Lugo e Viveiro. Serán dez euros para os socios e 20 euros para os que non o sexan. Asistirán unhas 200 persoas. Pódense anotar os que queiran chamando ó 982.04.30.00.
De gastronomía sabe moito posto que foi propietario do Mesón Xan Foucín da Pontenova, está agora en venda?
Despois de 27 anos de actividade, poño á venda uns dos restaurantes con máis tradición da Mariña, o Xan Foucín, por pouco máis de 100.000 euros, xa que o anterior arrendador abriu outro local na vila. Se o vendo, aínda que sexa por pouco, quítome de enriba a hipoteca e ademais, hoxendía non podo atendelo.