«Ninguén vai valorar a xente da zona rural se eles mesmos non se valoran», sentenciou o párroco de Labrada, Luis Ángel Rodríguez Patiño, nunha concorrida alocución coa que este crego rural lle daba a benvida a todos os presentes na sexta edición da Feira da Verza e do Lacón Cocido desta parroquia de Guitiriz.
O cura debullou as motivacións que levan a celebración desta e doutras citas similares, defendendo a importancia dos produtos do campo, posto que , «se os da aldea non os plantan os das cidades non comerían» ao tempo que defendeu a necesidade de que os veciños das zonas rurais mellorasen a súa autoestima, porque «a natureza dánolo todo».
