A corporación municipal da Pastoriza aprobou por unanimidade na sesión plenaria celebrada onte unha moción presentada polo grupo de goberno para esixirlle á Consellería de Medio Rural a reposición do servizo veterinario no municipio.
Dende o Concello pastoricense lémbrase que os veterinarios do departamento autonómico prestaban servizo na localidade catro días á semana, nun local cedido polo goberno local. A supresión desta consulta obriga agora aos gandeiros a desprazarse ata Castro de Ribeiras de Lea para realizar calquera trámite.
