A confraría de pescadores de Burela acollerá mañá unha mesa redonda que estará coordinada pola conselleira do Medio Rural e do Mar, Rosa Quintana. A directora xeral do Mar, Susana Rodríguez Carballo, será unha das ponentes e estará acompañada por diversas mulleres encargadas de realizar diferentes traballos no mundo do mar en distintas localidades da comarca da Mariña.
A mesa redonda será mañá ás doce do mediodía e leva por título ‘Un mar de cultura: las mujeres del mar’. Está impulsada polo Grupo de Acción Costeira (GAC 1) pero organizada polo colectivo Bumei burelés.
