Esta xove cervense é a voz do grupo barcelonés Santa Rita, que actuará este sábado no festival Osa do Mar. O concerto está programado para ás oito e media da tarde e intégrase dentro dun programa recheo de música alternativa e de actividades para todos os gustos no entorno burelés da praia da Marosa.
A UN PAR DE DÍAS de viaxar a Burela para tocar co seu grupo, Cecilia Díaz amósase contenta e con ganas de participar de forma activa no festival Osa do Mar. Ela vive e traballa en Barcelona dende hai dez anos, pero segue a ter moi presente o seu Cervo natal.
É a cantante do grupo Santa Rita. Como se xuntaron?
Todo xurdiu en febreiro do ano 2008. A guitarrista e a baixista vivían xuntas e empezaron a tocar no piso. Non era nada serio, pero despois no ano 2009 empezamos xa a tocar en directo.
Cantos componentes son?
Agora mesmo somos catro. A guitarrista chámase Natalia e é arxentina, Laura é de Barcelona e toca a batería e acábase de incorporar ao noso grupo Armand, que é baixista.
E o nome de Santa Rita, como se lles ocurriu?
Era bastante complicado atopar