Dous meses logo da súa estrea en Francia e España, o filme ‘Operación E’, protagonizado por Luis Tosar e que relata a historia do campesiño que coidou o fillo da que fose rehén das FARC Clara Rojas, inicia a súa conta atrás para que a Xustiza colombiana apoie ou prohiba a súa exhibición.
O Tribunal Superior de Bogotá ten que tomar esa decisión antes do 30 de xaneiro, polo que os productores da cinta francoespañola viaxaron a Colombia, mentres a demandante Clara Rojas mantense expectante.
No equipo de ‘Operación E’ hai optimismo, pois como sinalou un dos productores, Farruco Castromán depositaron toda a súa confianza en que a Xustiza colombiana rexeite impoñer unha «censura previa», algo prohibido expresamente na Constitución do país andino.
