O poeta e investigador Arcadio López Casanova (Lugo,1942) fará unha defensa da modernidade poética de Rosalía de Castro no seu discurso de recepción como académico de honra na Real Academia Galega, que se celebrará o sábado na Coruña.
López Casanova considera «un fito singular da lírica peninsular, non soamente da galega» que, unha década antes da chegada da modernidade á lírica española, «Rosalía de Castro apunta moitos riscos desa modernidade coa publicación de ‘Follas novas’, en 1880». O experto sitúa esa anticipación especialmente nas tres primeiras partes do libro.
