O penúltimo Xoves de Cultura Aberta da Deputación de Lugo contou onte coa presenza de dous novos talentos da escena musical femenina en Galicia, Sés e Aid, que presentaron nos xardíns do ente provincial os seus novos traballos discográficos.
Aid é Aida Alonso Iglesias, que ademais de cantante e compositora de música urbana, é locutora dun programa de radio e estuda enxeñería de telecomunicacións en Vigo. Actualmente está presentando o segundo álbum música positiva con influencias do jazz, funk, blues ou soul.
