Candia presenta a súa lista para Mondoñedo con Vázquez, Arias, Barreiro e Balseiro

A candidata á alcaldía mindoniense polo PP, Elena Candia, estivo moi arroupada na presentación da súa lista, coa asistencia do conselleiro de Educación, Jesús Vázquez; a delegada territorial, Raquel Arias; o presidente provincial do partido, José Manuel Barreiro, e o secretario provincial, José Manuel Balseiro.

Elena Candia, que se presenta por segunda vez como candidata, inclúe na súa lista a moi variados profesionais. Como número dous vai Ramón García Geada, mindoniense profesor de secundaria do IES San Rosendo.

Ségueno José Otero, veciño de Masma que traballa no sector forestal; Aída Basanta, ATS no centro de saúde de Mondoñedo; Teresa Freire, mestra no Ceip Álvaro Cunqueiro; Sonia Fernández, licenciada en xornalismo de 22 anos; Sabina Allende, médica no centro de saúde; Miguel González Veiga, xubilado; o empresario Alfonso Cancela, o gandeiro de Lindín José Ramón Díaz Barreira e a auxiliar de enfermería María José Cociña.

Comentarios