a fundación Barrié de la Maza organizou na biblioteca da Pobra de San Xiao unha conferencia sobre o alzhéimer, na que a psicóloga María Lillo, da Asociación de Familiares de Enfermos de Alzhéimer de Monforte, acercoulles aos lancareses esta doenza.
Que incidencia ten esta enfermidade na comarca de Sarria?
No concello de Láncara hai cerca de 3.000 habitantes, dos que 973 teñen máis de 65 anos. Calcúlase que o 8% dos maiores de 65 padecen alzhéimer, polo que en Láncara serían unhas 80 persoas. En toda a comarca de Sarria hai 23.914 habitantes. Deles, 7.418 son maiores de 65, polo que se estima que 593 persoas, o 8%, poden sufrir alzhéimer. Hai maior prevalencia da enfermidade nas provincias de Lugo e Ourense.
Que obxectivos teñen as charlas que organizan como a da Pobra?
Nelas explicamos a enfermidade e os síntomas principais. O alzhéimer supón o 60% das demencias.
