Un amplo dispositivo integrado por preto dun cento de persoas e por dúas brigadas da Garda Civil e da Policía que levan cans adestrados traballan dende a última hora do xoves na busca de Antonio González, un veciño da parroquia bovedense de Martín, que desapareceu cando estaba a dar un paseo coa súa cuñada.
O persoal que traballa cos animais centrouse en rastrexar a zona onde se lle perdou a pista ao home e en revisar un espazo forestal no que se agochara fai dous anos, cando tamén se escapara. Pero, as súas pescudas non tiveron éxito.
O localizador GPS que leva non funciona
Antonio González leva con él un localizador GPS da Cruz Vermella, pero o aparello non emite sinal dende a noite do xoves na que o home desapareceu. Pode que se avariara ou pode que o veciño se agochara nunha zona na que non teña corbertura. Cando Antonio desapareceu fai dous anos, foi a luz vermella que emite este aparato a que alertou aos veciños de onde estaba.
