Despois dunha pentaloxía que cerrou o libro ‘Baubo pubiclub’, Básico Rodríguez volve a escea con dúas novelas: ‘Quen non adora a Dora?’ e ‘Dick, todo sigue espeso’, pasado e presente de Galicia.
basilio cobo Rodríguez (O Barco de Valdeorras, 1956), que escribe co seudónimo de Básico Rodríguez, presenta o sábado no Centro do Viño de Monforte as súas últimas novelas: ‘Quen non adora a Dora?’ e ‘Dick, todo sigue espeso’. Os traballos levan no mercado dende o pasado mes de maio, pero Cobo sempre prepara algunha presentación na comarca de Lemos porque considera que nela está a súa segunda casa, xa que estivo vinculado a Sober, onde foi médico, moitos anos.
Se é difícil publicar un libro, dous xuntos debe ser todo un reto?
É unha cuestión económica, ás veces sae mellor sacar dous ca un. Neste caso son dúas obras que xa se escribiron no 2012, o ano pasado fixeron a ruta de concursos e este ano tiven a oportunidade de publicalas.
Que tal foi esa rolda de concursos?
Non foi ben, pero foi unha experiencia da que aprendín. O que me quedou claro é que