O vicario ve na saída de Benedicto XVI un acto de valentía e de amor á Igrexa, se non se vía capacitado para afrontar esa responsabilidade. Lémbrao como un gran sabio que se expresaba de forma moi clara para chegar mellor aos crentes e espera que o seu sucesor estea á altura do momento actual.
antonio rodríguez Basanta calcula que cando empezou, no 76, na diocese de Mondoñedo-Ferrol había 250 sacerdotes e agora non chegan a 160.
Por que sucede isto?
Hai un baixón grande debido a tres factores: falta de vocacións, envellecemento do clero e as secularizacións, os sacerdotes que deixaron o ministerio.
Cre que habería máis sacerdotes se tiveran permitido o matrimonio?
Que os sacerdotes poidan contraer matrimonio e formar unha familia é unha lei da Igrexa que se pode cambiar, non é ningún dogma de fe. Pero resulta que noutras concepcións cristiás, os luteranos, os anglicanos, aínda que os respectivos ministros ou pastores poden formar unha familia teñen o mesmo problema ca nós de escaseza de vocacións, así que o problema non é tanto non formar unha familia como a crise de valores e de fe.