Anxo Lamelo, coordinador dun ciclo sobre a terra e a cultura, que pasa o documental ‘Queimar o monte’ mañá
Por que escollen o documental ‘Queimar o monte’ para pechar o ciclo ‘A Nosa Terra, a Nosa Cultura’ que organiza Adega?
Porque outra vez este ano tivemos unha vaga de lumes. É un problema que non se acaba de arranxar e o documental fai unha análise moi detallada dos factores e causas que inflúen na proliferación de lumes forestais.
Estará o director?
Si, Emilio Fonseca. O documental pasarase mañá no salón de actos da Deputación, ás 20.00 horas. Dura aproximadamente unha hora e despois, como sucedeu cos anteriores, haberá un cinefórum na que os espectadores dan a súa visión e dialogan co director.
