A maxia é unha das grandes afeccións deste político socialista que anda polo mundo tranquilo. A súa actitude, serena, transmite tranquilidade. As súas inquedanzas culturais e deportivas mestúranse cun pasado na Fonsagrada, onde naceu, e un presente en Burela
O HOME tranquilo. Así se coñece a Alfredo Llano dentro da política e fóra dela. Transmite equilibrio, seguridade en si mesmo e forza vital. Un home polifacético e gran amante do cine que nesta entrevista deixa ó descuberto as súas inquedanzas e a súa visión sobre o mundo e a sociedade actual.
Vostede sempre tivo ese aspecto de home tranquilo?
Si, sempre. Unha das miñas máximas é estar en equilibrio.
Aínda que teñamos prohibido falar de política, sabe vostede que non se parece nada ós políticos ó uso?
Si, doume conta. Díxomo moita xente cando era alcalde, pero é a miña forma de ser e non cambiei para nada.