Universitario en Lugo, o actual rexedor de Barreiros entende que o poder acomoda. É hincha do Barça, canta na coral polifónica barreirense e mercou fai pouco unha Vespa que di que lle dá liberdade.
O DESPACHO no centro de San Cosme de Barreiros foi o escenario onde Alfonso Fuente, alcalde de Barreiros, falou do seu amor polo Barça, polas motos e da súa participación na coral polifónica barreirense.
Acabou o ciclo do Barça?
Non, creo que non. O que fai o Barça deberíano facer os equipos galegos: traballar máis coa canteira.
Ten algunha camiseta azulgrana?
Non, teño algunha prenda co escudo, pero nada máis.
Como se lle ocurriu fundar a peña do Barcelona en Barreiros?
José foi o impulsor y eu axudeille, pero agora estou desvinculado do tema, aínda que sigo pendente do equipo.