Accidente granate en Pasarón

O Racing Vilalbés deu onte mostras de debilidade como líder da Terceira galega ao non pasar do empate (2-2) en Pardiñas ante o Somozas, e fíxoo grazas a un tanto de Dani no 87, aínda que os de Charly tiveron mala sorte cun gol en propia meta de Roberto.

Pero no grupo de perseguidores só o Ourense parece querer o liderado. Onte, no Couto, sufriu pero sacou adiante o partido ante o Ordes cun solitario gol de Eder á media hora. Logo, os de Patxi Salinas acabaron pedindo a hora.

Terceiro e cuarto están Alondras e Cerceda, que onte gañaron. Os de Cangas, por 3-2 ante o Vilalonga; e os coruñeses, por 2-0 no Roxos ao Betanzos.

O que perde fol nas últimas xornadas é o Pontevedra, que onte se estrelou en Pasarón, contra todo prognóstico, ante o Estradense, que gañou (1-2) con dobrete de Adão, un no primeiro tempo e outro no segundo. Maikel fixo o gol local.

Tampouco engala o Rácing de Ferrol de Aira, que colleitou un novo empate, nesta ocasión no Pardo Conchado de Oleiros, ante o Dorneda (1-1) nun partido no que os locais se adiantaron de penalti. Logo, ante oito, o Kamate empatou no 90, tras fallar Pablo Rey un penalti para os verdes.

E o Fabril impúxose ao Sanxenxo (0-3) con goles de Juan Carlos (2, un de penalti) e Cubillas.