A concelleira de Cultura, Turismo e Promoción da Lingua, Maite Ferreiro, acudiu este luns á presentación da cuarta edición do 'Desafío Lóstrego' xunto a asociación Lóstregos Lucus.
O desafío celebrarase o vindeiro 25 de xuño, comezará na capital e chegará ata O Incio. a ruta é apta para todo tipo de motos e haberá dúas modalidades a escoller: estrada ou trail.
O prazo de inscrición abrirase o vindeiro 15 de maio, e os prezos será de 40 euros para o piloto e 80 para o acompañante. No prezo vai incluído o dorsal, a camiseta do evento, os adhesivos e o pasaporte 'Biker Friendly', ademais das tres comidas esenciais da xornada.
Maite Ferreiro quixo salientar o valor da iniciativa e sinalou que "é unha proba xa consolidada que conta cunha gran participación, e trátase dunha oportunidade para coñecer Lugo dun xeito ameno e lúdico".