Sábado. 22.09.2018 |
El tiempo
Sábado. 22.09.2018
El tiempo

Veciños de Campos Novos denuncian que un soar crea problemas de salubridade

Soar abandonado en Campos Novos. VICTORIA RODRIGUEZ
Soar abandonado en Campos Novos. VICTORIA RODRIGUEZ

Denuncian que a maleza invade a beirarrúa e nalgúns puntos chega ata a calzada

Os veciños da rúa Campos Novos denuncian os "problemas de salubridade" que lles ocasiona o estado no que se atopa un soar  moi próximo ás súas vivendas,  que leva anos en estado de abandono.

Segundo apuntan, a maleza invade a beirarrúa e nalgúns puntos chega ata a calzada, polo que resulta complicado transitar pola zona. Na leira acumúlanse ademais multitude de plásticos e desperdicios, que afean completamente a imaxe da rúa.

Os afectados explican que no soar abandonado hai insectos e avespas. "É un perigo pasar por diante porque non sabes o que te vas atopar. Ás veces saen as ratas e velas correndo pola estrada. E unha vez", apuntan, "chegamos a ver unha raposa pequena buscando comida por toda a leira".

Os residentes piden ao Concello que tome medidas canto antes e obrigue ao propietario a levar a cabo a limpeza do soar ou que utilice os medios municipais para acondicionalo e pór fin a unha situación que consideran "insoportable".

Veciños de Campos Novos denuncian que un soar crea problemas de...
Comentarios