O 16º libro da colección San Froilán dos Devanceiros, titulado Barriga Verde na prensa. Unha escolma de cen textos pretende poñer a disposición do público en xeral unha escolma de cen significados textos xornalísticos alusivos a Barriga Verde. A edil de Cultura, Turismo e Promoción da Lingua, Maite Ferreiro, presentou este mércores a obra xunto co autor, Xaime Iglesias González.
"Botábase en falta unha publicación que recollese os artigos xornalísticos que se achegaron ao fenómeno social e cultural que significou Barriga Verde", indicou a concelleira, que destacou a súa popularidade e a súa importancia para a lingua e cultura, "máxime nuns tempos en que as carencias eran moitas e a liberdade estaba coutada".
Ferreiro destacou a vixencia de Barriga Verde, e a necesidade de poñelo en valor, defendelo e facelo visíbel, "vendo as protestas nalgunha das últimas representacións recreando a Barriga Verde".