O Lugo perdeu o martes un dos seus socios máis antigos, Rafael Arias Piñeiro, de 81 anos. Fontaneiro durante moitos anos xunto a un dos seus cinco irmáns, Rafael sempre tivo o fútbol como a súa gran afección.
De mozo, nos anos 50, xogou no equipo San Vicente, onde era coñecido como Lelé, e, máis tarde, centrou toda a súa paixón futbolística no Lugo, ao que seguía con fervor e co que viaxaba por distintos puntos de España.
O mércores recibiu o último adeus na igrexa da Milagrosa.
