A concelleira de Cultura, Turismo e Promoción da Lingua de Lugo, Maite Ferreiro, anunciou este xoves na comisión municipal de Cultura que o goberno local ten a intención de poñerlle ao novo auditorio da cidade, que aínda permanece pechado, o nome do grupo musical Fuxan os Ventos.
Ferreiro explicou, para xustificar esta decisión, que "Fuxan os Ventos é un dos grupos musicais galegos máis importantes" das últimas décadas, "dado que en 2022 cumpriranse cincuenta anos desde a súa formación, en 1972".
"É un grupo que fixo moito pola nosa lingua e pola nosa cultura. Por dar a coñecer a autores, poetas e poemas galegos. Levou o orgullo da nosa lingua a moita xente nova que naquel momento comezaba a rexurdir no idioma despois dunha época escura, dixo Ferreiro.
Trátase, por tanto, dun recoñecemento da cidade de Lugo a un grupo fixo tanto pola nosa cultura, polo noso idioma e polo noso país. Así mesmo, lembrou que desde a área de Cultura do Concello de Lugo quíxose lembrar esta data, dándolle tamén ao auditorio un significado especial, de apoio ás agrupacións culturais galegas e lucenses.
