A muralla xa é Patrimonio Mundial, pero por que non toda a cidade de Lugo? Eso debeu pensar o guía turístico e turismólogo Guido Álvarez Parga (@guidoalvarezp) cando o pasado mércores lanzou nas redes sociais o hashtag #LugoPatrimonioMundial.
Aínda que se trata dun dos lucenses máis influentes nas redes sociais, non imaxinaba a repercusión que ía ter a súa iniciativa, á que nuns poucos días se sumaron persoeiros como o meteorólogo Martín Barreiro, o exalcalde de San Sebastián Odón Elorza, a cantante Lucía Pérez ou o ex xogador de baloncesto Alfonso Reyes, por citar só algúns.
Hoxe ocorréuseme unha idea: crear un hashtag para apoiar nas redes sociais a candidatura de Lugo a cidade Patrimonio da Humanidade @UNESCO. Utilicemos dende xa #LugoPatrimonioMundial para visibilizar as marabillas do noso centro histórico e da súa contorna... conseguirémolo! 💚 pic.twitter.com/Vj3vrv8OkN
— Guido Álvarez Parga (@guidoalvarezp) 13 de febreiro de 2019
"No último mes lin bastantes novas sobre a posibilidade de que Lugo se candidatase como Cidade Patrimonio da Humanidade e este pareceume un bo modo de alimentar o debate e potencialo", explica Guido Álvarez, quen aclara que sería unha ampliación da declaración coa que xa conta a muralla.
Me sumo a #lugopatrimoniomundial con esta foto del #ardelucus #lugocambia #muchoporcelebrar
— Martín Barreiro (@mbarreiro_tve) 16 de febreiro de 2019
Foto leticiatblanco en Lugo https://t.co/II9LYhoJ6B
Como guía turístico, e tamén cun máster en xestión de paisaxes culturais, unha temática moi ligada ás actividades da Unesco, Guido Álvarez entendeu que este era "un bo xeito de axudar a quen desenvolvan a candidatura". E non só iso, tamén cre que pode servir para facer unha relación de lugares da cidade, non só intramuros, para incluír nesta eventual proposta.
Me sumo a la campaña #LugoPatrimonioMundial para que Lugo consiga el reconocimiento de la UNESCO. pic.twitter.com/rJ0MK2fETb
— Odón Elorza (@odonelorza2011) 17 de febreiro de 2019
[Guido Álvarez Parga. ARQUIVO]
"É un xeito de involucrar á sociedade", di. Por agora, vaia se o conseguiu. Ocorréuselle mencionar nas redes a persoas nadas ou vencelladas de algunha forma con Lugo. A iniciativa, nuns días, volveuse viral e, por exemplo, esta fin de semana foi un dos hashtags máis empregados no norte da península, segundo Trendsmap.
"Son un convencido de que a promoción do turismo e dos valores patrimoniais, culturais e naturais non só benefician economicamente aos lugares, senón que tamén inciden na sociedade local, na súa autoestima e identidade", ilustra o promotor dunha idea que tamén recibiu o visto e prace de políticos locais, como o exalcalde José López Orozco, de deportistas como José Miguel Antúnez ou Salva Arco, e mesmo de entidades como o Breogán.
Ùnete a que #Lugo sexa cidade patrimonio da humanidade !!! #LugoPatrimonioMundial @UNESCO @UNESCO_es @guidoalvarezp @muralladelugo @elprogreso_Lugo @xornaldelugo @TurCulDepuLugo @ocioenlugo @depulugo #lugo @vozlugo @eparacomerlugo @EmpresariosLugo @aa_lugo pic.twitter.com/ERnz6czoQJ
— Lucía Pérez (@LuciaPerezMusic) 17 de febreiro de 2019