sábado. 28.05.2022 |
El tiempo
sábado. 28.05.2022
El tiempo

Lara Méndez visita os traballos de control arqueolóxico do atrio da Catedral

Lara Méndez durante a visita. CEDIDA
Lara Méndez durante a visita. CEDIDA
A alcaldesa tamén amosou interese polo estado de conservación e a transcendencia dos restos detectados por un xeorradar na zona 

A alcaldesa Lara Méndez visitou este venres os achados arqueolóxicos atopados durante as obras de mellora da accesibilidade ao atrio da Catedral, para coñecer de primeira man a evolución das tarefas de control arqueolóxico.

“Trátase dun descubrimento marabilloso, unha sorpresa moi grata que vén a corroborar a riqueza do noso pasado romano, hoxe máis presente ca nunca”, subliñou a rexedora.

Méndez, que estivo acompañada pola concelleira de Gobernanza, Paula Alvarellos, o Deán, Mario Vázquez, así como polo Fabriqueiro do templo e o responsable de patrimonio da Diócese, puido comprobar como se están a desenvolver os traballos que “suporán un antes e un despois para a mobilidade do adro e un avance nese obxectivo conxunto que compartimos de seguir eliminando barreiras arquitectónicas para acadar unha cidade habitable e verdadeiramente integradora”.

A alcaldesa tamén amosou interese polo estado de conservación e a transcendencia dos restos detectados por un xeorradar na zona dos que destacou que son “un achado singular tanto pola natureza dos vestixios como polo interese que esperta este emprazamento".

Lara Méndez visita os traballos de control arqueolóxico do atrio da...
Comentarios