A terceira charla do foro A educación, a análise, organizado por El Progreso coa colaboración da concellería de educación de Lugo, contou co protagonismo da presidenta da asociación socioeducativa Antonio Gandoy, María Luisa Rey, que falou sobre a importancia dos xogos na educación. Este colectivo é o herdeiro da fundación Preescolar na Casa.
A charla, que puido seguirse desde as 12.30 horas deste venres en www.elprogreso.es, estivo conducida pola xornalista Sabela Corbelle.
O ciclo A educación, a análise comenzou o venres 9 de abril coa mestra de primaria Mari Blanco e continuou o día 16 co coordinador dos proxectos e programas de educación medioambiental de Adega, Ramsés Pérez.
Pechará o foro o día 30 a vicerreitora de coordinación Monserrat Valcárcel, que exporá a oferta educativa e a investigación no campus de Lugo.
