A Concellería de Medio Ambiente anunciou que a partir do luns, reactivarase o servizo de recollida de enseres que presta o Concello de Lugo.
Dito servizo estivo suspendido temporalmente para facilitar os traballos do dispositivo extraordinario de limpeza que se está a levar a cabo durante o estado de alarma polo Covid-19.
A posta en funcionamento chega porque "as circunstancias permiten facelo con seguridade e, polo tanto, podemos atender así esa necesidade garantizando o bo funcionamento do dispositivo extraordinario desplegado", afirman dende a Concellería.
É totalmente gratuíto e pódese solicitar a través dunha chamada ao teléfono 982-25-44-83. O Concello lembra que no momento de recibir a petición, desde o servizo se lle indicará ao cidadán o día e a hora á que pasarán a recoller os mobles ou enseres dos que que se queira desfacer, dando prioridade ás peticións que se realizan seguindo este procedemento e atendendo a continuación o resto de incidencias non notificadas e das que da conta o propio servizo de recollida.
A retirada destes residuos realízase de luns a sábado, nun prazo máximo de dous días na cidade para o que se precisa un vehículo específico. En canto ao rural, recóllense unha ou dúas veces ao mes, en relación á demanda.
