Que poden atopar os donos de mascostas en Sonia Estilismo Canino?
É un salón de peiteado canino, aínda que tamén lle podo cortar o pelo a algunha outra mascota, como os gatos persas. Levo dez anos dedicándome a isto na Mariña, mudeime hai poucos meses a Lugo e decidín abrir un salón aquí.
Como está o sector na cidade? Cre que hai oco?
Hai moita competencia, pero decidinme non tanto polo negocio en si senón porque é un traballo que me apaixona. Encántanme os cans, dáme moita paz traballar con eles. Encántame a miña profesión. Penso que iso é algo que me distingue dalgúns outros negocios deste tipo.
Cortarlle o pelo a un can é un acto de coidado ou de estilismo.
É coidado, dende logo. É algo que precisan, porque se non fánselles nós e iso é malo para a súa pel. É hixiene.
Diría que aumenta a demanda deste tipo de servizo profesional?
Creo que si porque os cans son os novos fillos. Cada vez os coidamos máis.
Vende tamén produtos?
Si, camas, champús... e outros produtos necesarios para a hixiene dos cans.
