O Concello de Lugo informou este martes do peche ao tráfico peonil dun tramo do Paseo do Miño pola crecida do río. En concreto, a área de Medio Ambiente decidiu cortar o paso entre o Balneario de Lugo e o restaurante O Muíño polo aumento de caudal do Miño ao seu paso pola cidade.
"Queda prohibido o paso peonil mentres non se poida transitar con seguridade por esa zona", advirten nun comunicado.