O BNG presentou este martes o seu programa electoral para as próximas eleccións locais, que se celebrarán o 26 de maio, un documento no que sobresaen dúas propostas, a peonalización total da Ronda da Muralla e a creación no primeiro ano de goberno da demandada zona pública de baño no río Miño ao seu paso por Lugo.
En rolda de prensa, os candidatos e actuais edís do BNG, Rubén Arroxo e Mayte Ferreiro, explicaron un programa de goberno que estará "a disposición de todas as persoas" que queiran velo "a través da web" corporativa do partido nacionalista e das redes sociais.
"En oito anos faremos a Rolda da Muralla totalmente peonil", dixo Arroxo en referencia á vía perimetral que rodea ao monumento romano –declarado Patrimonio da Humanidade pola Unesco– e que neste momento é unha das principais arterias de comunicación da cidade de Lugo.
Así mesmo, comprometeuse a crear "unha zona pública de baño" no río Miño "no primeiro ano de mandato".
Arroxo asegurou que os nacionalistas presentan un programa para "pór Lugo a funcionar".