sábado. 18.09.2021 |
El tiempo
sábado. 18.09.2021
El tiempo

O BNG pide que se faga público o expediente pola retirada do escudo do Lucus Augusti

Escudo franquista en la fachada del Instituto Lucus Augusti. AEP
Escudo franquista en la fachada del Instituto Lucus Augusti. AEP

En cumprimento da Lei de Memoria Histórica, a Xunta tapou o emblema cunha placa hai agora un ano

A parlamentaria do BNG por Lugo, Olalla Rodil, presentará unha iniciativa no Parlamento galego para que a Xunta faga público o expediente que provocou a liorta entre os gobernos autonómico e o local pola actuación co escudo franquista da fachada do instituto Lucus Augusti.

En cumprimento da Lei de Memoria Histórica, a Xunta tapou o escudo cunha placa hai agora un ano e, o mes pasado, o Concello abriulle un expediente por facer obras nun edificio que está catalogado, argumentou. A Administración autonómica replicou que a intervención na fachada do instituto foi coñecida e autorizada polo propio Concello un ano antes, xa que a Xunta actuou con informe positivo da Dirección Xeral de Patrimonio e tras pagar as correspondentes taxas municpais. Ademais, dáse a circunstancia de que a Xunta tapou do mesmo xeito o escudo do instituto Ollos Grandes e, en cambio, esta actuación non motivou ningún expediente municipal.

O venres, o delegado da Xunta en Lugo, José Manuel Balseiro, asegurou que manterá os escudos tal como están agás que reciba unha sanción do Concello. Considera que acreditou a legalidade da obra, polo que di que descubrirá o emblema só se lle obriga a administración local.

Rodil lembrou que o BNG fixo un importante traballo para retirar simboloxía franquista das rúas de Lugo

As declaracións de Balseiro inquietan ao BNG, que ve "predisposición para sacar á luz os escudos franquistas".

Rodil lembrou que o BNG fixo un importante traballo para retirar simboloxía franquista das rúas de Lugo e anunciou que seguirá presentando iniciativas nas administracións nese sentido. "Ademais do que marca a Lei de Memoria Histórica, tense demostrado que a grande maioría da poboación non comparte que se siga homenaxeando a un réxime ditatorial que cometeu auténticas atrocidades", afirma a parlamentaria nacionalista pola provincia de Lugo.

O BNG pide que se faga público o expediente pola retirada do escudo...
Comentarios