viernes. 06.08.2021 |
El tiempo
viernes. 06.08.2021
El tiempo

O BNG márcase desde Lugo o reto de "multiplicar" a súa presenza municipal en 2023

Membros do BNG diante do Méndez Núñez. EP
Membros do BNG diante do Méndez Núñez. EP
Pontón quixo facer "un recoñecemento e unha felicitación" a Arroxo "polo excelente labor"

A portavoz nacional do BNG, Ana Pontón, exponse como "reto" para os próximos dous anos, até as eleccións municipais de 2023, "reforzar e multiplicar a presenza municipal" dos nacionalistas nos concellos, como "preámbulo" para poder "liderar o futuro de Galiza". 

Pontón concluía así con este desafío un cumio, programada no Hotel Méndez Núñez de Lugo, con até 52 representantes do ámbito local galego, entre alcaldes e concelleiros de toda Galicia. 

"O BNG é a forza política que máis crece neste país e temos unha excelente situación para non fixarnos límites despois de que en apenas dous anos conseguísemos recuperar a representación no Congreso dos Deputados e que ademais nos convertemos na segunda forza política deste país", remarcou Pontón. 

Por iso, proclamou entre aplausos que "o reto está moi claro": "Que en dous anos hai que reforzar e multiplicar a presenza municipal do BNG, dos gobernos do BNG nos concellos".

"A ACHEGA DO BNG" A LUGO. Previamente, Pontón quixo facer "un recoñecemento e unha felicitación" ao tenente de alcaldesa de Lugo, Rubén Arroxo, e a todo o equipo municipal "polo excelente labor que levan realizando nestes dous anos e que demostra a importante achega do BNG a esta cidade". 

"A chegada do Bloque ao goberno municipal marcou un antes e un despois, está a revolucionar Lugo, está a facer que Lugo avance e progrese e isto é o principio de todo o que podemos facer nesta cidade", presumiu.

LORES E ARROXO. Tamén interveu o alcalde de Pontevedra, Miguel Anxo Fernández Lores, quen destacou que no BNG "sempre" estiveron "a mirar e aprendendo de todas as vangardas que había a nivel mundial e aplicando todas esas prácticas nos nosos proxectos de país e de concellos". 

Pola súa banda, o primeiro tenente de alcaldesa de Lugo, Rubén Arroxo, explicou o "simbolismo" que para os nacionalista ten o Hotel Méndez Núñez "porque hai 103 anos" se celebrou a Asemblea Nacionalista de 1918. Iso si, foi "a 150 metros do hotel, pero despois viñeron a cear aquí", bromeou a continuación. 

O BNG márcase desde Lugo o reto de "multiplicar" a súa presenza...