sábado. 23.10.2021 |
El tiempo
sábado. 23.10.2021
El tiempo

Avanza o plan de calmado de tráfico en cinco novas zonas da cidade

Rubén Arroxo nas obras da Avenida Adolfo Suárez. CONCELLO DE LUGO
Rubén Arroxo nas obras da Avenida Adolfo Suárez. CONCELLO DE LUGO
O concelleiro Rubén Arroxo visitou algunha das obras que levan executando dende a súa chegada ao goberno

O tenente de alcalde e concelleiro de mobilidade e infraestruturas, Rubén Arroxo, visitou a Avenida Adolfo Suárez onde se están a executar traballos enmarcados no plan de calmado de tráfico, que foi iniciado pola Tenencia de Alcaldía desde a chegada ao goberno municipal. “Buscamos un tráfico calmado, aumentando a seguridade da veciñanza de toda a cidade”, afirmou Rubén Arroxo, que destacou “a importancia das actuacións de calmado de tráfico, que viñemos executando nas zonas escolares, e que agora expandimos a novas zonas da cidade”.

Estase a executar a construción de cinco novos pasos de peóns elevados na Avenida de Madrid, xunto á praza do Rei, na rúa San Eufrasio, en Casas Vellas, Avenida Adolfo Suarez e rúa dos Gardas. Ademais de instalarse novos lombos nas rúas Mar Cantábrico, rúa da Saúde, Calzada das Gándaras e Virxe da Soidade, en zonas onde non é posible realizar un paso de peóns elevado.

Arroxo afirmou que “seguimos a traballar para que Lugo se convirta nunha cidade na que as persoas sexan o centro da mobilidade, cun tráfico calmado e menos vehículos a motor nas rúas”.

Avanza o plan de calmado de tráfico en cinco novas zonas da cidade
Comentarios