Aurora de la Peña rexenta un posto novo na praza de abastos, Comestibles Nocri
Que se pode atopar en Comestibles Nocri?
Fundamentalmente, bacallau e legumes, Pareceume que na praza non había postos con moitas especialidades e variedades de bacallau e optei por esas dúas cousas. Estaba sen traballo e, aínda que os tempos están como están, hai que facer algo.
De onde vén o bacallau que vende e que variedades ten?
É bacallau de Islandia e de Noruega, e téñoo de dous tipos: salgado pero non curado, e o curado de toda a vida. Teño solombos, variñas, follas... O que máis estou vendendo son as follas. Son as típicas follas que había hai moito tempo nas despensas das casas e á xente tráenlle recordos.
