En que consistirá o menú degustación?
Incluirá tres pratos: rebozada, rechea e á bordalesa e tamén a sobremesa, que será típica de Arbo (Pontevedra), de onde vén a lamprea. De sobremesa, haberá leite frito e requesón das Neves.
Canto costará?
Serán 30 euros, pero non incluirá nin a bebida nin o café.
Son as primeiras xornadas que fai?
Non, son as terceiras. Miña muller é de Arbo, de onde se pescan as lampreas e preparámolas tal cual se preparan por alá.
Cantos días terán o menú degustación?
Só desde hoxe ata o domingo. Non obstante, as xornadas seguirán durante todo o mes.
Segue a ter saída a lamprea, nestes tempos de crise?
Está todo máis parado, pero hai xente á que lle gusta.
Pero é un prato caro.
A lamprea enteira cóstanos a nós 30 euros e se se presenta guisada custaríalle ao cliente 75 euros.
Cal é a receita que ten máis seguidores?
A lamprea á bordalesa. É a receita máis tradicional e tamén é a que máis vén pedindo a xente todos os anos aquí neste restaurante.
