Este é o momento ideal para mercar sardiñas. Pasado o San Xoán, o prezo baixa notablemente pero o peixe segue estando no seu punto exacto de sabor. Na Praza poden atoparse agora a 5,90 euros, despois de venderse a 9,90 o pasado venres e a 10,90 o sábado. Os puristas prefiren a sardiña para facer asada. O tamaño e a cantidade de graxa fai que sexa perfecta nesa preparación. Porén, a parrocha ou xouba (a sardiña de tamaño pequeno que se vende a 7,90) sabe mellor fritida. Pese a ser a mesma variedade, en realidad o sabor non é igual pola envergadura e, sobre todo, a cantidade de graxa. Con certo parecido na apariencia pero de sabor distinto tamén están no seu momento o xurelo (5,90 o quilo) e a súa versión pequena, o chincho (4,50 o quilo). De igual xeito, o mellor é asar o maior e botar á sartén o menor.
Un quilo 5,90
O fresón do país dura máis Xa chegou á Praza o fresón do país. Ven de Vilagarcía, comercialízase a 3,50 e dura máis tempo porque non pasa por cámara e é máis duro. Queixo curado ecolóxico Na praza de abastos pode atoparse un queixo ecolóxico de vaca con cen días de curación que está tendo moi boa saída.Pode comprarse a 35 euros o quilo e resulta perfecto para tomar cun copa de viño tinto.
Prezos no mercado de Lugo | |||||||
CARNICERÍA | FROITERÍA | ||||||
= Filete t. | 10,80 | = Cereixa | 2,50 | ||||
= Falda t. | 7,20 | ↑ Plátano | 2,85 | ||||
= Costela | 6,50 | = Laranxa | 1,50 | ||||
= Criollo | 6,8 | = Pavía | 2,25 | ||||
PESCADERÍA | HORTALIZAS | ||||||
↓Pescada | 8,90 | = Tomate | 1,90 | ||||
↓ Bonito | 16,90 | = Leituga | 0,70 | ||||
= Pota | 7,50 | = Pemento | 2,50 | ||||
= Castañeta | 7,90 | = Xudía | 3,25 |