Coa intención de divulgar a ciencia e a tecnoloxía e achegar a universidade aos alumnos de últimos cursos de secundaria e bacharelato, nace o primeiro Campus Científico-Tecnolóxico de Lugo. Serán catro xornadas completas de actividades experimentais -do 25 ao 28 de xuño, ambos incluídos- na Escola Politécnica, a facultade de Ciencias e a de Veterinaria. «Non queremos que sexa atosigante, senón algo lúdico e divertido», di Mercedes Novo, profesora de Química Física e unha das organizadoras.
Completan o equipo de coordinación Wajih Al-Soufi, tamén de Ciencias; Montse Valcárcel, da Escola Politécnica, e Marta Alonso, de Veterinaria. A súa experiencia como pais demóstralles que «os nenos anda moi perdidos, non teñen contacto coa ciencia, e non saben que elixir cando teñen que facelo. Ás veces coñecen o título, pero non se decatan do traballo que se fai despois, ou non coñecen todas as saídas. Trátase de que elixan con máis información e que empecen a informarse xa no instituto», sinalan.
Se a experiencia ten boa acollida, podería desembocar noutras iniciativas no período lectivo. «Intentamos fomentar que haya más interacción durante el curso también. La intención es que luego haya más contacto con institutos y profesores. Sabemos que los chicos quieren hacer cosas experimentales y aquí lo tendrían. Podrían venir los alumnos una tarde con el profesor y hacer talleres o experimentos de un día con profesores universitarios. De este modo podrían ir conociendo y acostumbrándose a la universidad. Es algo muy frecuente en otros países, aunque aquí no», indica Wajih Al-Soufi.
