¿Non está queimado despois de 15 anos?
En absoluto. O que gañei nestes 15 anos foi experiencia, coñecer ben os problemas e ganas de seguir dándolles solución e seguir pensando na cidade e no Concello. Quéimanse unicamente os que non cren no traballo que están facendo.
¿Por que anunciou esta semana que se presenta a reelección, cando o seu partido dá marxe ata novembro?
Para non xerar máis incerteza. Queríao facer antes, pero cando en agosto souben que ía haber un comité nacional o 13 de setembro preferín que se aprobaran as normas e anuncialo despois.
¿Cando dixo si?
Foi esta semana, cando sumando todo tiven a última conversa co secretario xeral. Saín da xuntanza, chamei a miña familia e dixen: tomo esta decisión.
