En tempos, as tabernas e a música que se facía nelas eran case o único divertimento para moita xente. Hoxe as opcións son moitas máis, pero nalgunhas tascas da cidade séguese cantando e bailando. Se cabe, con máis forza aínda.
FRONTE AOS BARES de deseño, os locais especializados en combinados e o que se deron en chamar viñotecas, que non son outra cousa ca establecementos onde se serve viño, resisten por toda a cidade as tabernas. Tascas, bodegas, bares... onde predomina a madeira, os vasos baixos e de cu gordo e a conversa. E onde de vez en cando aparecen tamén os instrumentos tradicionais, os cantos e, se se terza, o baile.
Sen outra pretensión máis ca de que os clientes gocen da noite, son
