Laura Valín Castañal, perruqueira que acaba de inaugurar o seu primeiro salón no número 6 da Rúa Montero Ríos
Que tendencias están de moda para esta próxima temporada en cuestión de pelos?
Lévanse moito máis as melenas longas que o pelo curto. Volven as ondas, que se poden facer coa plancha ou á auga.
Quere dicir, logo, que o pelo curto non se leva?
Bueno, hai certos cortes que si. Por exemplo, un que leva a patilla curta por un lado e polo outro, é longo. Ou tamén o chamado corte ‘bob’.
Que nos di das cores?
Os castaños son os que están máis de moda, especialmente o marrón chocolate.
As mechas non?
Non, agora lévanse menos. Prefírense os tons únicos.
Que horario ten aberto?
Estamos todos os días, menos os martes e os sábados, de nove e media a unha e media e de tres e media a sete e media. Os martes só abrimos pola tarde e os sábados, de oito e media a unha e media. Alí estamos, na rúa Montero Ríos, número 6.
Pensan facer algún desconto aos clientes aproveitando a crise?
De momento, coincidindo coa apertura, faremos un dez por cento de desconto en todos os servizos, tanto para homes como para mulleres. Despois, nos próximos meses, faremos outros máis, que xa pensaremos.
