Doutor en Enxeñaría Agrónoma e profesor da Universidade de Santiago de Compostela (USC) desde 1991, Javier Bueno Lema asumiu o cargo de vicerreitor en xuño, por un mandato de catro anos, coa confianza de deixar un campus en mellor estado do que o atopou.
o vicerreitor afronta o primeiro curso académico cun cometido claro: que Lugo recupere estudantado. E é moderadamente optimista porque, aínda que hai titulacións que non consiguen remontar no número de alumnos, o prazo de matrícula aínda non se pechou e di que nalgún grado as expectativa son boas.
Con que se atopou na chegada ó vicerreitorado?
Dado que viña de estar case oito anos de director da escola Politécnica, a maior parte das cousas coas que me encontro xa eran coñecidas. Cando asumimos formar parte do equipo que se presentou as eleccións asumimos esa responsabilidade, coñecendo un pouco en que nos metíamos.
Unha das medidas máis inmediatas foi o plan conxunto coa Deputación, ‘Para estudar, Lugo’...
Si, tiña claro que a prioridade do
