A facultade de Humanidades quere dar a coñecer o seu grao en Ciencias da Cultura e Difusión Cultural e, de paso, converterse nun referente neste eido no mapa universitario español. Por esta razón -e cando está a piques de rematar a primeira promoción do grao-, levou a cabo a segunda edición da Xornada en Mediación e Xestión Cultural, coa intervención de profesionais de distintos eidos vencellados a este campo.
A xornada incluiu tamén a participación dos alumnos, que levou por título ‘Os andares da civilización: vivimos na cultura snack?’, en referencia ao consumo de «aperitivos» culturais ou cultura en pequenas doses.