Manoli Rodríguez, vocal da asociación GuauMiau, que organiza un curso de terapia natural para animais.
En que consiste o curso que van facer sobre terapia natural para animais?
Trátase dun curso de nivel 1 sobre a aplicación das flores de Bach en animais. Son 38 flores que descubriu o doutor Bach e cuxas esencias se aplican segundo que síntomas haxa.
Que se aprenderá?
Desenvolveremos un temario sobre as flores e as súas indicacións. Despois faremos prácticas.
Cantas prazas hai?
Sete. O curso farase o próximo sábado, en horario de mañá e tarde, no centro cívico Uxío Novoneyra e impartirao a quiromasaxista Julia García Aladro.
Canto custa a inscrición?
Cincuenta euros. A inscrición pode facerse no 639 739043.
Como se toman estas esencias florais?
Disoltas en auga. Actúan tanto a nivel físico como emocional.
Son efectivas en animais?
Como en persoas, moito. Isto non quita a terapia convencional, é complementaria da outra.
Tamén a nivel emocional?
Si. Os animais teñen medos e traumas igual cós humanos. Con estas flores, trabállanse as emocións.
Empréganse xa en Lugo?
De momento, só unha clínica veterinaria as utiliza.