Martes. 18.09.2018 |
El tiempo
Martes. 18.09.2018
El tiempo

Os sindicatos rexeitan os servizos mínimos propostos pola Xunta para o 8M por "abusivos"

Manifestación en Compostela, o ano pasado polo 8 de marzo, baixo o lema 'Feminismo para avanzar: xuntas nunha mesma loita'. ARQUIVO
Manifestación en Compostela, o ano pasado polo 8 de marzo, baixo o lema 'Feminismo para avanzar: xuntas nunha mesma loita'. ARQUIVO

"Hai moi poucos servizos coa consideración de esenciais que precisen a cobertura que pretende impor",  sostén CC OO

 

Os sindicatos Comisións Obreiras e CIG rexeitaron este mércores os servizos mínimos establecidos pola Xunta con motivo da folga por quendas do próximo día 8 de marzo.

A Xunta trasladou este mércores nunha reunión cos sindicatos –UXT, CIG e CC OO, sindicatos maioritarios convocantes dos paros– a proposta de servizos mínimos que, segundo denuncian estas asociacións laborais, son os mesmos que nunha xornada de paro total, polo que os consideran abusivos.

"Dada a natureza da convocatoria dos sindicatos maioritarios, hai moi poucos servizos coa consideración de esenciais que precisen a cobertura que pretende impor a Xunta de Galicia", sostén CC OO nun comunicado.

Este sindicato lembra, ademais, que tivo que recorrer en varias ocasións á xustiza os servizos mínimos impostos pola Xunta e que esta os declarou abusivos.

Tamén a CIG abunda nun comunicado na súa intención de recorrer esta proposta da Xunta se non se modifica porque é "claramente vulneradora do dereito á folga das mulleres galegas o día 8 de marzo".

O sindicato nacionalista considera a proposta presentada "excesiva, abusiva e inaceptable" e, ademais, reprocha á Xunta a súa "falta de sensibilidade" co obxecto da convocatoria, a folga de mulleres.

"Para a CIG demóstrase que o Partido Popular é un dos principais inimigos das mulleres, por ser causante dos recortes aos dereitos das galegas, imposibilitando tamén que poidan exercer o seu lexítimo dereito a defenderse", conclúe.

Os sindicatos rexeitan os servizos mínimos propostos pola Xunta...
Comentarios