Persoeiros do mundo da cultura e da política ofreceron o seu pesar polo pasamento de Darío Xohán Cabana, que faleceu aos 69 anos de idade.
Dende políticos a escritores, pasando por estamentos oficiais, editoriais ou organismos públicos, expresaron a través das redes a súa pena polo tráxico suceso.
Unha das primeiras institucións en expresarse foi a Real Academia Galega, da que Cabana era membro, e que foi quen comunicou publicamente a nova do falecemento do escritor de Cospeito.
A Real Academia Galega expresa o seu fondo pesar polo pasamento de Darío Xohán Cabana, membro de número da institución e unha das grandes voces das letras galegas contemporáneas.
— Real Academia Galega (@AcademiaGalega) November 17, 2021
Que a terra che sexa leve, compañeiro. https://t.co/Ckeq0ymxcL
O seu presidente, Víctor F. Freixanes, destacou do escritor que "é un clásico vivo" e "a súa capacidade de transmitir emoción a través da lingua e do verso era extraordinaria”.
O escritor, tradutor e académico Darío Xohán Cabana é “unha das grandes voces das letras galegas contemporáneas" e membro da RAG e, ao longo de máis de medio século de vida, cultivou case todos os xéneros en máis de corenta títulos dirixidos tanto ao público adulto como ao máis novo.
A editorial Xerais tamén publicou as súas condolencias. Xerais estaba, ademais, a preparar un ensaio do finado, que verá a luz a título póstumo.
En Xerais estamos profundamente consternados polo falecemento de Darío Xohán Cabana, un referente indeludible da literatura galega e da historia de Xerais, gañador en dúas ocasións do Premio Xerais de Novela e persoa comprometida e xenerosa. https://t.co/grmRB1vkC5 pic.twitter.com/0LzeDMKib5
— Xerais (@Xerais) November 17, 2021
Francisco Castro, escritor e director xeral da editorial Galaxia, tamén tivo palabras para o escritor.
Esta noite deixounos un dos mellores escritores e tradutores que deu o noso país: Darío Xohán Cabana. Home de trato afable,traballou incansablemente ata os días derradeiros. Entregounos na @EdGalaxia a súa tradución de "Xácome o fatalista".Meticuloso ata a fin. Unha perda enorme.
— Francisco Castro (@chamademesimbad) November 17, 2021
A pena polo pasamento do artista chairego tamén chegou ao mundo da política. Néstor Rego, Ana Pontón ou Martiño Noriega amosaron o seu respeto por Darío.
🖤 Estamos profundamente consternados.
— Concello de Lugo (@concellodelugo) November 17, 2021
Esta noite deixounos Darío Xohán Cabana, referente indeludible da literatura galega, persoa comprometida coa nosa terra e gran compañeiro como funcionario no @concellodelugo
As túas letras estarán sempre con nós.
Descansa en paz, Darío. pic.twitter.com/ZoTw1YdlEk
Galicia perde unha figura fundamental para as súas letras co pasamento do poeta, narrador e ensaísta Darío Xohán Cabana, membro da @AcademiaGalega.
— Alberto Núñez Feijóo (@FeijooGalicia) November 17, 2021
Contribuíu ao enriquecemento da nosa lingua traducindo ao galego obras de autores como Dante Alighieri ou Francesco Petrarca. DEP https://t.co/a9tL3Daump
Darío Xohán Cabana
— Néstor Rego (@NestorRego) November 17, 2021
In memoriam pic.twitter.com/qLyKLrerdO
Darío Xohán Cabana
— Martiño Noriega (@martinhonoriega) November 17, 2021
D.E.P 😢✊🏿💜 pic.twitter.com/Qc9M5CFOpD
Día de loito para a cultura galega. Abrazo grande e sentido á familia e amizades. Que a terra che sexa leve. https://t.co/w8S0WUzrXQ
— Ana Pontón (@anaponton) November 17, 2021
